กริสฺสามีติ ฯ น หิ ภนฺเต อลนฺเตหิ มูเลหิ เภสชฺเชหิ กินฺเตหิ มูเลหิ อลํ
พฺยาธินาติ ฯ ยถา มหาราช ปญฺจมูลเภสชฺชานิ เอวํ ปญฺจินฺทฺริยานิ ทฏฺฐพฺพานิ
สทฺธินฺทฺริยาทีนิ ยถา โส เ วชฺโช เอวํ โยคาจโร ทฏฺฐพฺโพ ยถา พฺยาธิ เอวํ กิเลสา
ทฏฺฐพฺพา ยถา พฺยาธิโก ปุริโส เอวํ ปุถุชฺชนา ทฏฺฐพฺพา ยถา ปญฺจหิ มูลเภสชฺเชหิ
คิลานกสฺส โทสา นิทฺทมนฺตา โทเส นิทฺทมนฺเต คิลานโก อโรโค โหติ เอวํ ปญฺจหิ
อินฺทฺริเยหิ กิเลสา นิทฺทเมยฺยุํ นิทฺทมนฺตา กิเลสา น ปุน สมฺภวนฺติ เอวเมว โข มหาราช
ปญฺญา สกิจฺจํ กตฺวา ตตฺเถว นิรุชฺฌติ ยํ ปน ตาย ปญฺญาย กตํ อนิจฺจนฺติ วา
ทุกฺขนฺติ วา อนตฺตาติ วา ตํ น นิรุชฺฌตีติ ฯ ภิยฺโย อุปมํ กโรหีติ ฯ ยถา มหาราช
สงฺคามาวจโร ปุริโส ปญฺจกณฺฑานิ คเหตฺวา สงฺคามํ โอตเรยฺย ปรเสนํ วิเชตุํ โส สงฺคามํ
คโต ตานิ ปญฺจกณฺฑานิ ขิเปยฺย เตหิ จ ปรปตฺติกา ภญฺเชยฺยุํ กินฺนุ โข มหาราช
ตสฺส ปุริสสฺส สงฺคามาวจรสฺส เอวํ โหติ ปุน เตหิ กณฺเฑหิ กณฺฑกิจฺจํ
กริสฺสามีติ ฯ น หิ ภนฺเต อลนฺเตหิ กณฺเฑหิ กินฺเตหิ กณฺเฑหิ อลํ ปรปตฺติเกหิ
เสนาหีติ ฯ ยถา มหาราช ปญฺจกณฺฑานิ เอวํ ปญฺจินฺทฺริยานิ ทฏฺฐพฺพานิ สทฺธินฺทฺริยํ
วิริยินฺทฺริยํ สตินฺทฺริยํ สมาธินฺทฺริยํ ปญฺญินฺทฺริยํ ยถา โส ปุริโส สงฺคามาวจโร โยโธ
เอวํ โยคาวจโร ทฏฺฐพฺโพ ยถา ปรปตฺติกา เสนา เอวํ กิเลสา ทฏฺฐพฺพา ยถา ปญฺจหิ
กณฺเฑหิ ปรปตฺติกา เสนา ภิชฺชนฺติ เอวํ ปญฺจินฺทฺริเยหิ กิเลสา ภิชฺชนฺติ ภคฺคา จ
กิเลสา น ปุน สมฺภวนฺติ เอวเมว โข มหาราช ปญฺญา สกิจฺจํ กตฺวา ตตฺเถว
นิรุชฺฌติ ยํ ปน ตาย ปญญาย กตํ อนิจฺจนฺติ วา ทุกฺขนฺติ วา อนตฺตาติ วา ตํ
น นิรุชฺฌตีติ ฯ กลฺโลสิ ภนฺเต นาคเสนาติ ฯ

ปญฺญานิรุชฺฌนปญิโห ตติโย ฯ

ราชา อาห ภนฺเต นาคเสน โย นปฺปฏิสนฺธิยติ เวเทติ โส กิญฺจิ ทุกฺขํ
เวทนนฺติ ฯ เถโร อาห กิญฺจิ เวเทติ กิญฺจิ น เวเทตีติ ฯ ราชา อาห กึ เวเทติ
กึ น เวเทตีติ ฯ กายิกํ มหาราช เวทนํ เวเทติ เจตสิกํ เวทนํ น เวเทตีติ ฯ
กถํ ภนฺเต กายิกํ เวทนํ เวเทติ กถํ เจตสิกํ เวทนํ น เวเทตีติ ฯ โย มหาราช
เหตุ โย ปจฺจโย กายิกาย ทุกฺขเวทนาย อุปฺปตฺติยา ตสฺส เหตุสฺส จ ตสฺส ปจฺจยสฺส
จ อนุปรมาย กายิกํ ทุกิขเวทนํ เวเทติ โย เหตุ โย ปจฺจโย เจตสิกาย ทุกิขเวทนาย
อุปฺปตฺติยา ตสฺส เหตุสฺส จ ตสฺส ปจฺจยสฺส จ อุปรมาย เจตสิกํ ทุกฺขเวทนํ น